Si ad Sanctum Antolinum Ibiensem adveneris atque de cella vinaria quae dicitur “Vinea Cuedo” inquisitionem feceris, omnes tibi dicent: “eam invenies in Vico Solis in parte demissa cuiusdam domus, pergulanam seu scansilem pervetustam vitem in fronte exhibentis gratissimamque umbram praebentis”. Eiusdem radices in ipsa terra, quae frigiditatem toti cellae inducit, defiguntur.
|
Parallax La bodega 1
|
Huiusdem domus veterrimi incolae illam “Pennae tabernam” nominabant, eorumdem vina in ipsa “Vinea Cuedo” elaborabant asservabantque in minuscula cella, ex radicibus pennae, ubi domus ipsa aedificabatur, exarata. Duae portae ibi exhibentur, ad spatium duplex conducentes, elaborationis nempe aream necnon ad illam quae degustationis dicitur alia.
|
Parallax La bodega 2
|
Duo illa spatia amplis muris argillaceis separantur, eorumdemque amplitudo convenientem temperiem servat frigiditatemque vinorum continuo obtinet.
Simplicitatem ibi atque pulchritudinem mensuratam videbis. Suppellectilem antiquam ibi procul dubio miraberis, cum hodiernis machinis ad elaboranda vina utilia: nova et vetera, dices, optime aptata.
|
Parallax La bodega 3
|
In ipsa delibationis seu degustationis area, fenestra ibidem ad vallem aperta tibi optimos topiarios visus offert, arboribus Ibiensis rivi lineam venustissimam monstrantes.
